ԱՄՆ բասկետբոլի ֆեդերացիայի տարվա մարզիկ
From Wikipedia, the free encyclopedia
ԱՄՆ բասկետբոլի ֆեդերացիայի տարվա մարզիկ (անգլ.՝ USA Basketball Male Athlete of the Year), բասկետբոլային մրցանակ։ Մրցանակը ստեղծվել է 1980 թվականին, իսկ առաջին մրցանակակիրն է դարձել Այզեա Թոմասը։ Շնորհվում է ԱՄՆ-ի ազգային հավաքականի լավագույն խաղացողին, որը տարվա ընթացքում հավաքականի կազմում միջազգային մրցույթների ժամանակ ցուցաբերել է անթերի խաղ։ Հաղթողը ընտրվում է ԱՄՆ-ի բասկետբոլի ֆեդերացիայի անդամների կողմից՝ քվեարկության միջոցով։ Վերջինս անցկացվում է դեկտեմբերին կամ հաջորդ տարվա հունվարին։
| ԱՄՆ բասկետբոլի ֆեդերացիայի տարբերակով տարվա սպորտսմեն | |
|---|---|
| Երկիր |  ԱՄՆ |
| Տեսակ | պարգև |
| Պարգևատրող | ԱՄՆ բասկետբոլի ֆեդերացիա |
| Վիճակագրություն | |
| Հիմնադրման ամսաթիվ | 1980 |
| Հերթականություն | |
Մայքլ Ջորդանը, Ալոնզո Մոուրնինգը, Կարմելո Էնթոնին և Քևին Դյուրանտը միակ բասկետբոլիստներն են, որոնք արժանացել են մրցանակին երկու անգամ։ Ավելի հաճախ հաղթող են դարձել Դյուկի (6 անգամ) և Չապել Հիլի Հյուսիսային Կարոլինայի (5 անգամ) համալսարանների շրջանավարտները։ Երեք անգամ մրցանակակիր են դարձել միանգամից երկու խաղացող (1984, 2004 և 2016)։ Ներկայիս մրցանակակիրը համարվում է «Տեխաս Լեջենդս» ակումբի խաղացող Ջամիլ Ուորնին։